“Call of Duty” Thyen të gjitha rekordet

Thyen të gjitha rekordet

Vitet e fundit secili vazhdim i ri i lojës së “Activision-it” nga seria “Call of Duty” ka thyer rekorde në numrin e kopjeve të shitura dhe fitimin, ndërsa gjëja e njëjtë po ndodhë edhe me vazhdimin e fundit i cili në treg u paraqit javën e kaluar.

Nga “Activision” kanë njoftuar se “Call of Duty: Black Ops 2” në 24 orët e para pas lansimit ka fituar gjysmë miliardë dollarë dhe drejtori ekzekutiv i kompanisë, Boby Kotick, u lëvdua se ky është viti i katërt me radhë që lansimi i lojërave nga kjo seri po thyen rekorde në industrinë argëtuese, madje me fitim i kaloi edhe filmat me profitin më të madh.

Po ashtu, fitimin të cilin ditën e parë e arriti “Activision” me shitjen e kësaj loje është dyfishë më i madh në krahasimin me rekorderin e sivjetmë, lojën e “Microsoft-it”, e cila kompani me vazhdimin e katërt të lojës “Halo” në 24 orët e para arriti fitimin prej “vetëm” 220 milionë dollarë, por duhet përmendur se “Halo” është në dispozicion vetëm për Xbox, derisa “Call of Duty” është dedikuar për numrin më të madh të platformave.