Vuani nga… Facebook-u?! Shkoni në Serbi…

Ndoshta mund të mos e besonim, po të mos ishte kaq pranë nesh! Në Serbi u hap klinika e parë e cila kuron… të “sëmurët” nga Facebooku! Po, është e vërtetë. Klinika ndodhet në Novi Dad dhe ka si qëllim të mbulojë Europën Juglindore. Madje në këtë qendër rehabilitimi kanë shkuar pacientët e parë, të cilët e ndjejnë veten krejtësisht të varur nga rrjeti i famshëm social.

Sipas shefit të klinikës, dr. Dragan Stefanovic, fillimisht mjafton një muaj që do t’u nevojitet personave për t’u kuruar. Pastaj, çdo gjë do të varet nga gjendja e pacientëve në mënyrë individuale.

Sipas një pacienteje serbe 33-vjeçare, facebooku e kishte bërë të mos lëvizte nga kompjuteri. Në fillim “like” i dukej krejt i padëmshëm, por më vonë në çdo link që postonte, donte të kishte sa më shumë “like”. Pra ishte kthyer në një maniake të “like”.
Tashmë ajo e sheh këtë qendër rehabilitimi, si mundësinë e vetme për t’u kuruar nga… facebooku!
Vlen për t’u përmendur se Facebooku kohët e fundit ndikon në rritjen e numrit të divorceve! Mos vallë shembullin e 33-vjeçares duhet ta ndjekin edhe shumë familjarë?!

ta di se vdes e aty nuk shkoju cpun kom me shku un tek ata budallenjt?