Google: Facebook po acaron përdoruesit

Në një intervistë për Business Insider, Bradley Horowitz kritikoi Facebook-un duke thënë se kompania po acaron përdoruesit.

Ai tha gjithashtu se Facebook-u është rrjeti social i të së kaluarës dhe mendon se numri i madh i reklamave po e shkatërron atë. Ai përdori një analogji të dy burrave që po bisedojnë dhe ndërmjet tyre hyn një i tretë që përpiqet të shesë një sanduiç.

Pasi shtoi që Facebook-u është një sanduiç që askush nuk e do më, ai tha se mënyra se si reklamat funksionojnë është shumë acaruese.

Horowitz insiston se Google po bën një punë më të mirë duke përdorur rekomandim për produktet e veta si dhe shërbimet në Google + në mënyrë më me takt. Sigurisht që jemi dakord dhe kjo është një qasje më e mirë se sa reklamat që të dalin vend e pa vend kur je duke lexuar faqen kryesore të Facebook-ut.

Por a po e përdorin njerëzit Google+ për shkak të mungesës së reklamave? Me siguri jo. Kompania thotë se ka 100 milionë përdorues aktivë çdo muaj.

Facebook-u mund të jetë një sanduiç që nuk e do më njëri, por nëse një ushqim vendoset para jush, ju e hani sido që të jetë apo jo?